قصيدة ( مصر الحبيبه )

كلمات الشاعر / محمد مصطفي خيال
حبك يامصر في قلبنا
وبيجري في الشرايين
فداكي روحنا وعمرنا
وحياتنا ليوم الدين
محروسه يامصر ومحفوظه
غصبن عن الخاينين
ورايتك دايما مرفوعه
بإيد ولادك الوطنيين
وكلمتك عاليه ومسموعه
وسط العالم أجمعين
يابلد النور والحضاره
والعلما والنيل والاهرامات
المولي من حبه ليك
ذكرك في الآيات
والشعرا قالوا فيك
قصايد وأغنيات
واتحكي عنك حكاوي
في الكتب والروايات
تاريخك كله شهامه
وبطلوله وتضحيات
مهما نعمل عشانك
مش هنوفي جمايلك علينا
كفايه عايشين في أمانك
وطن وضهر وسند لينا
ومهما تكون أحوالك
في حضنك بتحمينا
عمرك في يوم ياغاليه
مغدرتي أبدا بينا
بروحنا وحياتنا ياغاليه
هنصونك ونحميكي
ودايما معاكي وجنبك
علي كل اللي يعاديكي
وهتعيشي دايما حره
وبخير وسلام وأمان