بقلم امينه حمايه
** **. **
بياع فول انا وطعميه
اصحى فى الفجريه
على صوت مراتى هنيه
بتقولى قوم ياعطيه
دقتلك م الصبح الطعميه
وسويتلك الفول على نار فرن قويه
قوم بقى ياسطى عطيه
يافتاح ياعليم٠٠٠٠ ماخلاص ياوليه
الزوجه: ابو اسماعيل خد الكوفيه مع الطقيه
البياع: بطلى ياوليه كلام بتوع أحوال جويه!
ولا اقولك حطيها جنب
القدره فى العربيه
البياع: خدى مصروف البيت
والاكل تسقية عيييد
وعيالى مصروفهم آهووو
وعلى مدارسهم يصحووو
الزوجه: يارزاق ياكريم
إنعم على عبدك المسكين
فى كل خطوه سلامه
ترجعلى محمل ياما
البياع مع زباينه
**. *. *
بياع فول انا٠٠٠٠٠٠٠٠وطعميه
زبونه: صباح الخير يا سطى عطيه
البياع: اهلا بالست سنيه
الزبونه :والنبى بخمسه فى الصينيه
البياع :بس كده! من عينيه
الزبونه: تسلملى ياسطى عطيه
البياع: مع السلامه ياأحلى زهريه
** *. **
البياع: اهلا بزباينى الحقيقيه
عمال م كل مصنع جيه ليه
فطارها كله على حساب لسطى عطيه
العمال: تعيش يا معلم الفلافل على مستوى الجمهورية
البياع: ياواد منك له بطل بكش وكلام آونطجيه
العمال: ده كلامنا وكلام الجرنلجيه
صيتك ياعم وصل الصحف اليوميه
ماانت ملك السندوتش للفول والطعميه
والبنزين اللى مشغل عقل الصنيعيه
والفضل يرجع للدقه الفاتحه للشهيه
البياع: بقول آيه ياافنديه
ما كفايه تحيز ليه
طلباتكم على عينى وراسي
من غير مجامله فيه
**. *. **
ودمتم
