بقلم / مايسة إمام
أنا عايــزة……………. مسكـن لبجاحة
برشــامة …………ِتنسينـــي أباحـة
وتخلـي عقلي……… ….يــروح منــي
علشان ارتاح …………من دي تناحة
حد يجيب لي ……….دكتور شاطر
معـــروف بمهارتــه………… م الاخـر
يكتبلي روشته……….. تكون جامدة
تنقذنــي………… مـــن دي مساخــــر
ادينـــــي يادكتــــور …….الجرعــة
أحســـن هتعــــدي …….يالا بسرعة
مش عاوزة اتعٍدي ……..وازعل مني
وابقــــى كـما الغنمة……… فـ المرعى
أكـدب واصدق …………….أنا كدبي
واعمل فيها ……………..أنا المتربي
وانافق …………..ع الونجين و العب
واتحنجل………………… واغني ياغٌلبي
وابوس ع اليد …………..وع الراس
خدي اعمله ………….. للكل مداس
وامْلى م الوطينة…………. مليون كاس
وأنا عامل فيه…………………..الفلحوس
برشامة …………. ماشي أنا موافق
كبسولة ………ومالوه مش هتخانق
دوا مر …………….وطعمه هيضايق
هبلعه………….. ولا اعيِشّْي أنا منافـق
ولا كدبي يكون……… نكتة في وشي
وحقارتي ………يتحاكوا بها وبغشي
واتحربأ…………………. على كل الأوان
وأعيش وأموت……………وأنا متغشي
برشامة يادكتور برشامة
