… زي ماانا.
قصيدة بقلم:حنان عبد
غبت عني يوم غبت سنه
زي ماانا
غبت وغيابك يطول
غيب ميت سنه
زي ماانا
فاكر بعد غيابك هموت
عايشه انا
فكرك لما تهجر هضيع
ابدا دانا
بيك ومن غيرك هكون
زي ماانا
اسيت غبت رحت رجعت
مش هاتفرق اسألني انا
غيابك لو يفرق هقول
هاخبي ليه غيب ميت سنه
القلب من كتر الغياب
خد بعضه وداق العذاب
مش فارق معاه يوم من سنه
القلب لما يبيع يضيع
منه الهوى يبقى خلا
ينسى رغم الآلم رغم الوجع
بيتعود يعيش ولو يوم رجع
نبضه ليه
بيكون أسير مقفول عليه
من كتر بكاه يغمض عنيه
مايلاقي دمع يسيل عليه
روح ولا ترجع انا زي ماانا
غبت يوم ولا سنه
مش فارق غيابك اسألني انا
بيك من غيرك هكون برده أنا
أنا هو انا
