بقلم / عاصم بكر علي منصور
ليه بقينا ناسين بعض وليه بينا ضاع السلام
طب ليه وليه قل وراح مع الزمن وتاه بينا الكلام
احنابرده بتوع زمان ايام مكان بينا حب ووئام
الجاريسال جاره انتي محتاج حاجه ولاكله هايبقي تمام
الاخ يسأل اخوه وانتم بالخيرعايشين ولابينا لسه خصام
أهل البلد يروحولبعض بالخير والود والكل يبات الليل شبعان النهارده ليه الخيرقل بينا
وكله بقي في خبر كان ضاع الحب بينا ونسينا طعم الامان احنابرده بتوع زمان؟
راح فين الخير اللي كان فينا؟وليه مبقناش نسأل علي بعضينا
ولما تيجي تسأل عن حد يقول اللي فينا مكفينا
كانت لمه الراكيه في الغيط في عز البرد تدفينا والساقيه بتلف وبالخير تروي ظمأ أراضينا وشجر التوت في عز الحر أوراق ضلها من لهيب الشمس يحمينا&
طب العيب بقي فينا ولاقلوب الناس اتغيرت من حوالينا*
خلاص مبقاش حد فاضي لحد والكل يهرب وقت الجد
الاصول ضاعت بقي بينا الف سور وحاطين ألف حد وحد
عيش بالطيب وخلي حاجز الخوف بينا بالخير يتهد
ياريت نكون مسلمين مش بالاسم نرجع لربنا من تاني بجد
راح فين الخير اللي كان بينا وضاع بين ضمائر الناس الود
الناس مات جواها الاحساس والكل بقي في الكلام ؟هلاس
(لايزال الخيرفي وفي امتي حتي قيام الساعه)
