هو في فرق بين نزله البرد والانفلونزا ⁉️
كتبت وفاء سليمان محمد
“هو فيه فرق بين نزلة البرد و الإنفلونزا ؟”
هو في فرق بين نزله البرد والانفلونزا ⁉️ ، بنسمع كتير ناس تقول “عندي نزلة برد “وناس تقول “عندي نزلة إنفلونزا” فتعالي نشوف إي الفرق بين نزلة البرد و النفلونزا ؟
أول حاجة نزلة البرد أو الانفلونزا الأتنين عبارة عن عدوى نتيجة فيروس وبالتالي علاجهم مش بيحتاج مضاد حيوي وده المشترك بينهم
أومال إي الفرق بينهم ؟
نزلة البرد و الإنفلونزا بيختلفوا بشكل أساسي في الفيروسات المسببة ليهم و بالتالي يختلفوا في شدة التعب والأعراض ؛تعالي نفهم إزاي
نزلة البرد بتكون أكتر بسبب الفيروسات المنتشرة خصوصاً في الشتا زي الRhino viruses و اللي منها فيروس الكورونا
أما نزلة الإنفلونزا فبتكون بسبب إنفلونزا فيرس “Influenza viruses”اللي بتنتشر أكتر في فترات معينة زي نوفمبر و أبريل
طب احنا قولنا فرق الفيروسات هتخلي فيه فرق في الأعراض…إزاي ؟
الأعراض اللي بتكون في نزلة البرد العادية بتظهر أكتر على الجزء العلوي منالجهاز التنفسي يعني تحس ب -إحتقان الأنف -إحتقان الزور -سيلان الأنف -الكحة و هتكون ببلغم بعد فترة مش كبيرة -ارتفاع بسيط في درجة الحرارة
طب هل ده مبيظهرش في الانفلونزا؟
خليني اقولك إن الأعراض دي هتكون موجودة بس بشكل قليل جداً بينما هيزيد عليك إحساس تكسير في الجسم و العضم والدوخة والهمدان و الصداع
وارتفاع كبير في درجة الحرارة في خلال كام ساعة بس من بداية التعب و الكحة بتكون ناشفة طول فترة التعب
