خليك جد
بقلم: صلاح شعبان الفيداوي
القاهرة
١٢/٢/٢٠٢٣
خليك جد
في الحق مش تهزر
والكلمة منك كلمة
والجد منك يظهر
ولا يكون فيه مجاملة
خليك راجل صريح
وكون جد بصحيح
في كلامك والمعاملة
الصدق طريقه نور
وابعد عن كل زور
دا طريقه ناره حاميه
وامشي عدل تحتار
الدنيا كلها فيك
طريق الخير عمار
والراحة لينا وليك
وحافظ ع الأصول
تلاقي كل القبول
ولا تسمع أي لايمه
حافظ على الكرامة
وكون راجل شهامه
ولو ضاعت منك قول
على الدنيا السلامه
ولا ليها أي لازمه
بقلم: صلاح شعبان الفيداوي
القاهرة
١٢/٢/٢٠٢٣
