بقلم امينه حماية
عارفين كان وأخواتها يا بتوع النحو يا متعلمين؟؟
يا سلام !!! آه طبعا عارفين
تمام يبقي كده انتم سامعين
اللي هأقوله وأحكيه ليكم يا مُحترمين
كان وأخواتها قاعدة نحو مُتفقين
بنطبأها في كلامنا وعبارات متزوءئين
بكان وأخواتها ماهم حلوييين
لكن حُسنه واخواتها دول مُختلفين
حُسنه وأخواتها قاعدة هم وغم
في حياتنا غصب عنا مطبئيين
بنشوفهم كل يوم كل ساعه مغموميين
قاعدتهم ملهاش آخر ليوم الدين
ماشيه عليهم بحذافيرها طول السنين
مش قاعدة كان وأخواتها بتزوق للتجميل
لأ قاعدة حُسنه وأخواتها بتزوؤهم للطماعين
قاعده فقر وذُل ساعدت مُستغليين
لحُسنه وأخواتها وظروفهم منيله بطين
فيه ناس بتلوم حُسنه ظلمت ولادها الغرقانين
هي السبب طلعتهم في البرد ساقعنين
عشان خمسه وعشرين جنيه يومية أخين
هتعمل آيه حُسنه ماهم متلطمين
حياتهم ضايعه من غير أب مُتشردين
هنلوم علي حُسنه واللي زيها كتييير!!!
ولا نلوم علي المجتمع اللي خلاهم فقرنانيين
وعلي لُقمة العيش طول النهار دايخييين
في النهاية اقول لحُسنه وولادها احنا آسفين
لمُجتمع فيه العاجزين أكتر من القادرين
(ودمتم
