إرمي الحجر
الشاعر حسين الديب ،،
خليك بعيد و إرمي الحجر
وعيش جبان زي البشر ،،
هيفيد يإية موت البطولة
هتروح و موش هتسيب أثر ،،
عيش جبان هتعيش كتير
داحتى يمكن في إللي جاي
يحكموك ليهم أمير ،،
و غصب عنهم تبقى حي
وتنام يا ولدي على الحرير ،،
أما البطل
خدو مدفون في التراب ،،
ويا إما ميت
يا إما للعدوان أسير ،،
——–
تكونش فاكر بعد موتك
هيمشو على عهدك عهود ،،
ولا فاكر يوم وفاتك
هينتصرو يابني على اليهـ.ود ،،
آخرك حداد في كام قناة
من غير لطيم على الخدود ،،
هو دا آخر البطولة
معروفة من عصر الجدود ،،
ف هتختار يا ولدي تموت بطل
ولا ياد ترمي الحجر ،،
“”” شكرا “””
