ياجدة عزيزة
ياجدة عزيزة أنا بخير
رغم إني واقف
على عودي
كما الطير
ورغم اللي بيا
وأنا لوحدي
وضهري متعري
وأبويا مات بقاله كتير
ومستني في
يوم أحلم بك
ماهو إنتِ الأم والصاحب
وأوفى خليل
ياريت تعودلي أيامك
ماعدتش لاقي ليكِ نظير
بشوف قدامي إشي ظالم
وإشي حرامي
ماعاد فى الدنيا
بعدك خير
وكل ما أدور على حضنك
في وسط الهم مش لاقي
دا كان حضنك
له فعل خطير
دا كان بيضم ويخفف
وكان بلسم
وكان للسر دايما بير
وكنت فاكر وأنا صغير
لما أخاف من أمر عسير
تضميني
وعينك ليا بتطبطب
وأروح في النوم
وأسمع حبيبي
تنام على خير
وحشاني وواحشني
علاجك البلسم
وحضنك اللي ماله مثيل
بقلم الشاعر فهمى محمودحجازى
