أرجوزة بعنوان شم النسيم
بقلم حسام نشأت محمد
مش أي عيد ده عيد قديم
عيد الربيع ،شم النسيم
فيه الزهور بتشع نور
على الفسيخ واقفين طابور
وفي الملاهي وفي الحدائق
مبسوطين ومزاجنا رايق
وحسن بيهني مرقص
والزهور بتميل وترقص
والسعاده حاله عامه
والحبايب لمة لمه
والعوازل عينها منا
نفسها تفرق ما بينا
والمولى هو الحارسنا
بعده ثاني إيه ناقصنا
نحمده ونبوس ايدينا
ونحط بلادنا في عينينا
وخميسه وخمسه ذكرها
وبكرمه في أمنه غمرها
وعطاها من الخير كثير
كذاب اللي يقول فقير
ده الفقر فقر العقول
وان الشعب يكون كسول
او جهول مش داري قدره
أو يلعب في ليالي قدره
وينسى تاريخ وحضاره
وبلاده كانت منارة
للعالم ايام جدودنا
شوفوا فين كانت حدودنا
يلا قوموا كفايه نوم
دا لابد من يوم معلوم
يوم جميل نرفع راياتنا
ونعوض كل اللي فاتنا
ويعود المجد القديم
بإذن الله الكريم
