كتاباتى شات
كلمات / يوسف عطاالله
كتاباتى ليكى شات كلمات
بس حبى ليكى حتى الممات
حاسك بكل لمسة حرف
بالمسه بايدى
احساسى بيكى بيجرى
فى دمى ووريدى
تصدقينى لو قلت شايفك
وانا باكتب
لا بجد شايفك وحاسك ولامسك
عايشك وانا باكتبلك حروف
حروفى مالها نهايه
بالعشرات بالألوف
وفى كل مكان بتلف وبطوف
حاسسها بتلمس مشاعرك
وتحرك الوجدان
حاسسها بتداعب كل مكان
فيكى بتلمس شعرك
وتحكيلك حدوته
قبل النوم
حاسس الحروف على
جسمك كله بتطوف
وانتى حاسانى فيها
ومسلمه ليها
كل حرف بيلمسك هو حرفى
بيسلم عليكى ويحضنك
ويقولك انه من طرفى
حروفى مش شات عادى
ولا كلمات
دا تاريخ بيتسجل
حتى الممات
سيبك من الشعر والكلمات
سيبك من التنهيده والاهات
الشات العادى معاكى
غالى عاندى واغلى
من عمرى الى فات
الى بينى وبينك مش
مكالمة صوت
ولا تنهيده وآها
كل دا بيموت
الى بينا حب انكتب
على الجبين
لا يتقال ولا يتوصف
حب مالوش عناوين
صعب أوصفه لانى عايشه
بطريقه غير كل الناس
صعب اوصفه صعب المس
الإحساس
حب روحانى ودا الى خلانى
اكتبلك تانى
وحافضل اكتب لحد الحرف
مايعبر عن الى جوايا
لحد ماتسلمى لحرفى
وتعيشى معايااا
بقلمى
يوسف عطاالله
