أغنية شعبية :
بقلم د /عمر عبد الجواد
…(( علي مين ؟؟))….
علي مين ….علي مين
عايز تتجوز…علي مين ؟؟
انت لو عايز ……الصراحة
شيلاك علي كفوف الراحة
و ماليش في أمور الوقاحة
عايز تتجوز …إرمي اليمين
علي مين …….علي مين
عايز تتجوز……..علي مين ؟؟
أنا أبويا… … شيخ الحارة
و قعاده مع الناس الأمارة
لو عندك…. لكلامك أمارة
إرمي اليمين ……
علي مين ……علي مين
عايز تتجوز…علي مين ؟؟.
انا أبويا………….أصله طبيب
شاطر…. و قادر…. .و كسيب
لو فراقنا …….أصبح نصيب
ارمي اليمين …..
علي مين ……علي مين
عايز تتجوز …علي مين ؟؟.
انا أبويا ….. أصله مدرس
و انت أصلاً ……….مفلس
لو عايز ..بره تهلس
إرمي اليمين …….
علي مين ……علي مين
عايز تتجوز…علي مين ؟؟.
انا أبويا ……أصله محامي
و طبعه انت عارفه ..حامي
لو في المحاكم هتقف أدامي
إرمي اليمين …..
علي مين ……علي مين
عايز تتجوز…علي مين ؟؟.
انا أبويا ……أصله تاجر
و اللي عمله معاك .. فاكر
لو إنت للمعروف ناكر
إرمي اليمين …….
علي مين ……علي مين
عايز تتجوز …علي مين ؟؟.
انت عارفني…….. …بنت ناس
و شيلاك في العين و ع الراس
لو إنت …….عادم الإحساس
ارمي اليمين…..
علي مين …….علي مين
عايز تتجوز …علي مين ؟؟.
★★★★★★★★★★★
د/ عمر عبد الجواد عبد العزيز
