لما العلاقات تستنزف طاقتك النفسية
بقلم / د. سمر جرجس مرقص
استشاري الصحة النفسية والإرشاد الأسري والزواجي
عضو اتحاد المعالجين النفسيين العرب
عضو التحالف العربي لخبراء العلاج النفسي
▪️ مش كل علاقة بتوجعنا بتكون واضحة من البداية
▪️ ومش كل استنزاف بييجي في صورة خناقة أو مشكلة كبيرة
أوقات الاستنزاف بيحصل بهدوء
يوم ورا يوم لحد ما تلاقي نفسك بقيت شخص مختلف ومش عارف إمتى حصل ده 😏
استنزاف العلاقات بيبدأ لما العلاقة تبقى مجهود من طرف واحد.
طرف بيسأل ، وبيطمن ، وبيعتذر ، وبيحاول يصلح ، وبيتنازل … والطرف التاني متعود ياخد من غير ما يسأل هو بيقدم إيه 💔
▪️ تبدأ تحس إنك لازم تختار كلامك بعناية
▪️ وتخاف من أي رد فعل
▪️ وتراجع نفسك طول الوقت حتى في حاجات أنت مش غلطان فيها
ومع الوقت ..
▪️ ممكن تلاقي نفسك بقيت بتعتذر عشان تخلص من المشكلة .. مش لأنك مقتنع إنك غلطان.
▪️ وبتسكت علشان متخسرش الشخص حتى لو أنت اللي بتخسر نفسك كل يوم
ودي أخطر علامة في استنزاف العلاقات ⚠️
إنك تبدأ تتنازل عن راحتك عشان تحافظ على العلاقة
العلاقة الصحية ♥️
مش معناها إن الطرفين عمرهم ما يختلفوا لكن معناها ..
▪️ إن الاختلاف ميبقاش إهانة
▪️ والعتاب ميبقاش عقاب
▪️ والحب ميبقاش ضغط أو ابتزاز أو تحكم
🔺 ومش معنى إنك بتحب حد إنك مطالب تستحمل منه كل حاجة
🔺 فيه فرق بين الصبر على شخص بنحبه وبين إننا نسمح له يستنزفنا بحجة الحب
علشان كده اسأل نفسك من وقت للتاني؟!
العلاقة دي بتديني أمان ولا بتاخد مني سلامي؟؟
لو أغلب الوقت حاسس إنك
▪️ مرهق
▪️ متوتر
▪️ مش متقدَّر
▪️ وبتحاول تثبت قيمتك لشخص المفروض يكون شايفها من غير إثبات
يبقى مح
تاج تراجع العلاقة وتحط حدود واضحة ⚠️
🔹 الحفاظ على العلاقات شيء جميل
🔹 لكن الحفاظ على نفسك أهم
وأحياناً أقوى خطوة مش إنك تتمسك أكتر … لكن إنك تعرف إمتى تقول كفاية استنزاف 🚫
