أنت مين؟!!
بقلم الشاعرة:ناهد احمد
أنت شمس جات و هلت
جات تعلي ع السنين
انت شوق بيفك طوق
كان محاوط قلب من يومه حزين
أنت فرحة جايبة طرحة
تمحي بيها دمع قلب
مشتاق للحنين
يكفي اقولك عطر وردك و لا فلك
صحا فيا شعور مسنود ب الأمان
دق قلبي بصوت حنين مدفون من زمان
روحي عدت ع القلوب التايهة بتشاور عليك
حاسة بيك و بفجر طالل من عينيك
فجر راسم ضحكته ع اللي جاي بينوره
نور ضياه بيضوي قلب الدمعة كات بتعكره
بس انتهى
من النهاردة مفيش زمان
كل اللي جاي شعور حنان
و الضمان عند اللي خلقك
هو وحده عارف ازاى أوجدك
يا مدبر الكون و راسم خطوتك
مالي عمل غير اني اقوم و انام و انا بحمدك
