….(( قلبي تاعبني ))…..
-
بقلم د/عمر عبد الجواد
قلبي يا ناس تاعبني
و في هواه
علي طول مغلبني
قابلت صبية جميلة
قولت لها عيوني
من طلتك عليلة
قالتلي روح يا شاطر
بلاش تلاعبني …..
قلبي يا ناس تاعبني
و انا يا ناس قليل الحيلة
مع إني متربي و من عيلة
في الحب بطب .
بين يوم وليلة
و خيالها طول الليل.
يداعبني……
قلبي يا ناس تاعبني
بيعشق كل الألوان
السمرا جمالها فتان
و البيضا قمر الزمان
و انا يا ناس غلبان
و سيرة الحب ترعبني …..
قلبي يا ناس تاعبني
أروح من قلبي فين
للحب مليان حنين
بيدوب في يومين
من همسة و لمسة
و نظرة عين تعجبني…..
قلبي يا ناس تاعبني
قولوا يا ناس يرحمني
بلاش في هواه يظلمني
لجل يتهني عليه
يتأني …..و يسمعني
الأصول أساس معقول
قبل ما نختار و نبني ….
قلبي يا ناس تاعبني
★★★★★★★★★★
د/عمر عبد الجواد عبد العزيز
