ياسنين العمر هَدي الخطاوي هَدي
ليه من بين أديا وقدام عنيا كما
الرهوان بتجري؟
هو أنا زعلتك فى حاجة دا أنتي
فى الجرح سباقة وأنا لا أشتكيت
ولا قللت من صبري
هو أحنا لحقنا نتعرف ونقول أهلاً
وسهلاً ونتشرف وناخد مع بعضنا
ونِدي وتتمتعي بطيب ودي
ونسهر مع القمر ونسعد بالسمر
ونهمس للنسيم العليل يلامس
الجبين وبرقة يحن وينَدي
ياسنين العمر من فضلك وإحسانك
كوني رحيمة حليمة بكفاية عندك
وطغيانك بكفاية صراع وتحدي
فاكرة لما وعدتيني بالفرح والراحة
أنا من يومها لا فرحت ولاكنت مع
ناسك مرتاحة قوليلي ليه قاسية
وبتصدي؟
ياريت تكوني فاكرة وللأحداث
مذاكرة وللعذاب والمناهدة إياكي
تكوني ناكرة
ياريت تجاوبي ياريت ترُدي !!!!
وأردد بحسرة ياخسارة ؟
ورغم آلي كان مع السلامة وفى
أمان لا عاد عتاب ولا ملام ودا اخر
كلام عندي….صبرني ياربي
………………………..
همسات بقلم كريمة السيد
ياسنين العمر هَدي
