عايش بالحب
اتعودت أحب الناس
وأعامل الكل بالإحساس
بدافع عنك
من ورا ضهرك
وانت ضاربني
ف ضهري بفاس
مرة أقول
ع الطيبة عقاب
لما تكون مع كل الناس
وارجع تاني أقول
مش قادر أغير نفسي
أصل الطيبة
مع الأنفاس
ولوحبيت أزعل
من غادر
وقت مايضحك
لما بقابله ببقى خلاص
ناسي كل اللي حصل فيا
أنا من قلبي
ياناس محتاس
هو مريض الطيبة
والرحمة
لازم يبقى دواه ينداس
وصاحب القلب
مريض بالقسوة
طول العمر إيديه تنباس
والله حسبة
غريبة يا دنيا
ليه بتلمعي قلب حجارة
وتطفي قلوب
مصنوعة من ماس
بقلم/ فهمي محمود حجازي
