……..(( عالم غريب ))……
بقلم د/ عمر عبد الجواد
عالم غريب….
و كل شيء فيه أصبح عجيب . ….
الرحمة راحت م القلوب …
و لا حد حاسس بالغريب
علي الأرض فرش جسمه…
و الغربة ضاربة علي رسمه
و لا مخلوق سأل عن إسمه …..
وجاب له رغيف و قَسمه ..
و يكون ليه في الآخرة نصيب …
عالم غريب….
و كل شيء فيه أصبح عجيب . ….
حط إيده تحت خده …….
و عمل شواله مخده
و لا حد فكر لبيته ياخده… ..
ياتري إيه اللي هناخده
من الدنيا …و القبر منا قريب …..
عالم غريب….
و كل شيء فيه أصبح عجيب . ….
غريب و طاعن في السن….
داير في البلاد يئن
لا له إبن عليه يحن…
و لا مؤمن عليه يعطف و يمن
مسلم يوحد ربه
أو مسيحي يمجد سيده.
و معلق صليب. ..
عالم غريب…..
و كل شيء فيه أصبح عجيب….
و طفل يتيم فرش الحصي…
لا أذنب و لا لربه عصي
و سيدنا النبي عليه وصي….
و ربنا نعمه علينا لا تحصي
من يكفله ..يفوز بجوار الحبيب…..
عالم غريب….
و كل شيء فيه أصبح عجيب . ….
راقد و ساند راسه ع الحجر…
و كإنه لقي قلب الصخر
أحن. عليه من قلوب البشر….
منين يارب نحيب الصبر
علي عالم غريب…
وكل شيء فيه أصبح عجيب…..؟؟؟
★★★★★★★★★★★
د/عمر عبد الجواد عبد العزيز
