.ظلم الهجر.
قصيدة بقلم:حنان عيد
حبيبي لما يهجرني
تبات ف عنيي دمعاتي
ولما يحن … يرجعلي
بنسي كل ما جرالي
ولا اعاتبه ولا انسي هواه
واعيش الفرح ف حنانه
وكل بعاده قلبي نساه
واتمني ابقي دقاته
والدنيا تبقي ضحكالي
و أساوته ولا تخطر علي بالي
وتصفي الحياه وياه وتهنالي
حبيبي لما يهجرني
ويتغير ويظلمني
ونار الهجر تالمني
وحيرتي عليه تعذبني
ابات والنوم مخاصمني
وهاجره لقلبي زي البركان
وتسهر عيوني مابتنام
وظني يجيبني ويودي
حبيبي لما يهجرني
افكر وغيرتي تعميني
ده راح مني وشاف غيري
واكلم روحي واشكلها
تعاتبني وترمي زعلها في قلبي
واحتار كتير علي حيرتي
وارجع تاني لمخاوفي
وأسهر اعد نجماتي
لحد ماتاني يرجعلي
حبيبي لما يظلمني
