بإختصار
بإختصار ليه بنهدم
في الجدار
تعالى هنعشها بحب
ونبعد عن كل الشجار
خلي صاحبك أو زميلك
زي أخوك مش هزار
وارسم البسمة ف لقاه
حتى لو جواك مرار
وإوعى تاخد كلمه منه
وتداولها زي نار
نقل كلمة أخوك يقولها
لك بطيبة أوهزار
ليه تاخدها بشكل تاني
وتزود بيها الشرار
لو حاكيتها هي هي بس
بالصورة الجميلة
تبقى بار
يعني مخلص للزمالة
وده يعلي من مقامك
مش تزود في الحوار
خلي قلبك ع اللي جنبك
وإوعى تهدم في الجدار
دا الجدار لو بالمحبة
والطيابة يعلي دار
يبني أبراج السعادة
والمحبة تكون شعار
دي المحبة والطيابة مش هوان أو إنكسار
دول أساس كل ازدهار
يبنوا قصر من السعادة
ويجعلوا من الكون عمار
بقلم / الشاعر فهمى محمود حجازى
