كوكا انتقل الي قاسم باشا التركي
كتب :احمد عبدالنبي
بعد أيام من التوقعات… أخيرًا تمّت الصفقة رسميًا!
كوكا لاعب الأهلي انتقل لقاسم باشا التركي بمقابل مالي كبير، وراتب سنوي ضخم.
لكن المفاجأة؟ سبب رحيله مش بس فني!
فيه كواليس كتير وفلوس أكتر… تعال نعرف التفاصيل!
صفقة أحمد نبيل كوكا خلاص خلصت بشكل رسمي، والنادي الأهلي أنهى كل التفاصيل مع نادي قاسم باشا التركي، في واحدة من الصفقات المفاجئة في الميركاتو الصيفي الحالي.
كوكا هنسيب الأهلي مقابل 1.1 مليون دولار (يعني تقريبًا 52 مليون جنيه مصري)، والنادي التركي وافق في النهاية على رفع العرض بعد مفاوضات طويلة، خصوصًا إن الأهلي كان رافض يبيعه بأقل من مليون.
أما كوكا نفسه، مكسب الشخصي كبير جدًا، لأنه يمضي عقد لمدة سنتين ونص تقريبًا، ويحصل على راتب سنوي قيمته 650 ألف دولار، يعني حوالي 31 مليون جنيه مصري في السنة. ده رقم كبير جدًا بالنسبة للاعب كان مش في التشكيل الأساسي للفريق.
المدرب خوسيه ريبيرو كان ليه دور مباشر في إنهاء الصفقة، لأنه إدّى الضوء الأخضر لرحيل كوكا، وقال إنه مش يعتمد عليه في الموسم الجاي، وخصوصا بعد اللي حصل في معسكر تونس، لما كوكا تصرف بشكل استفز الجهاز الفني، انتقال وقتها إنه يحاول يضغط علشان يمشي.
كوكا كان يشارك أوقات في خط الوسط، وأوقات في الجبهة اليسرى، لكنه مكانش لاعب أساسي في معظم فترات الموسم، ومع وجود لاعبين ثقيلة زي بن رمضان وبن شرقي زيزو ترويجية، فرص مشاركته كانت شبه منعدمة، قرار الرحيل منطقي للطرفين.
الأهلي كده كسب مبلغ كويس من لاعب ينتهي عقده كمان موسم، وكان ممكن يصيبه ببلاش في يناير أو الصيف الجاي. وده يحسب للإدارة، إنها عرفت تستفيد ماليا بدل ما تكرر غلطة الصفقات اللي مشت مجانًا قبل كده.
الجماهير منقسمة، في ناس شايفة إن كوكا ماخدش فرصته كفاية، وناس شايفة إن تصرفاته الأخيرة قللت من قيمته، وكان لازم يمشي. بس الكل متفق إن المبلغ اللي الأهلي أخده + راتب كوكا في تركيا، يعتبر صفقة مربحة جدًا ليه شخصيًا وللنادي.
دلوقتي السؤال: هل كوكا هينجح في الدوري التركي؟ وهل الصفقة دي ممكن تفتح له طريق أكبر في أوروبا؟
الإجابة هتيجي على أرض الملعب… بس البداية شكلها مبشرة.
.
