بين الاحتياج المادى والاحتياج المعنوى
كتبت : وفاء فتحي
“كل الحاجات المادية بتتعوض لكن اي احساس معنوي مبيتعوضش ”
اي حاجه مادية مش ملكنا دلوقتي ممكن نعوضها بعدين.. ممكن نشتري العربية والبيت واللبس.. اي حاجه مع الوقت والصبر ممكن تيجي ..
حتي لو ظروفك صعبة وارد تتغير وتجيب كل اللي اتمنيته…
إلا الاحتياج المعنوي..
لو محتاج لاحتواء.. لاهتمام.. لتفاهم.. لحب.. لصدق مشاعر شخص معين و مالقيتهوش في وقت احتياجك ده مش هيفرق معاك لو جالك بعدين..
في حاجات معينة لو ماجتلناش في وقتها و جت في وقت غلط أو بعد مالهفتنا ليها تنتهي بتبقي ماسخة و مالهاش طعم و لا لزمه .. عشان الشعور اللي جوانا بيبهت من الانتظار ، و اللهفة بتقل لحد ما تنعدم و ساعتها جوانا حاجة بتتغير عن اللي كنا عليه و مش عارفين إيه هي..
لو لهفتك راحت و شغفك بيه مات من كتر الإنتظار..
مستحيل اي حاجه تقدر تحيي احساسك بيه تاني ..
