التشتت الذهني
أخصائي نفسي اكلينيكي مريم محمود
التشتت الذهني
_متلخبط..
_بفكر ف حاجات كتير مع بعض …
_مبعرفش ازاكر بنسي بسرعه..
_بحس أن مش قادر استوعب ..
_مش عارف انام….
الشكوى اللي من النوع ده تقع تحت مسمي #التشتت_الذهني
حاجات كتير بتحصل لينا بتوقفنا عن استمرار تفاعلنا مع اللي حوالينا وفي دراستنا وفي حياتنا بشكل عام ..
مشكله #التركيز من المشاكل اللي بتوجهنا في حياتنا وبتأثر علينا بالسلب في كافه المجالات .
من أهم الحاجات السلبيه وآثارها هي عدم القدره الاستيعاب و الانسحاب من العلاقات الاجتماعيه واضطراب النوم ،،
الحل بسيط جدا عشان نحل المشكله بس قبل ما نحلها لازم نعرف سببها الاول :
-التفكير ف مواضيع كتير مع بعض ف نفس الوقت .
-الصوت العالي .
-الزحمه .
-المكان مش مناسب .
-بعمل حاجات كتير ف نفس الوقت .
والاضطرابات النفسيه بشكل عام والاكتئاب بشكل خاص
(الأعراض اللي موجوده بتكون موجوده بشكل أساسي عند مرضى الاكتئاب).
عشان استوعب كويس واقدر احل مشاكلي وازاكر كويس وافتكر ملعومات سمعتها قبل كده حتي لو مره واحده..
ف فرق بين ٣ حاجات وال٣ مرتبطنا ببعض :_
١-#التركيز اول نقطه لازم اكون مركز ومنتبه كويس وأبعد عن أي مصدر تشويش أو مصدر للتشتت عشان يكون تركيز عالي محتاج أوفر مكان هادي ومناسب.
٢/#الذاكره
ركزنا كويس المعلومات بعدها هتتخزن ف الذاكره
والذاكره هنا هي المسئولة عن تخزين المعلومات أو الأفكار أو أي حاجه محتاج اخزناها ..
المعلومات بعد كده بتتنقل لمنطقه الذاكره.
٣/#التذكر
أن اقدر استرجع المعلومات تاني من الذاكره
الارتباط الوثيق بينهم لو مركزتش كويس المعلومات مش هتتخزن ف الذاكره بالتالي مش هقدر استرجع حاجه هي أساس مش اتخزنت …
الأساس عشان اساعد نفسي اني اقدر اركز اني اختار مكان مناسب يساعدني على التركيز واكون بعمل حاجه محدده مش حاجات كتير في وقت واحد ده هيساعدك دماغي انها تستقبل معلومات وتحفظها..
التشتت الذهني تأثيره بيوصل لمشاكل في :_
1_الاكل
2_النوم
3_الصداع والالام جسديه
4_نسيان
5_الشعور_بالتعب والاجهاد والارهاق
غير أنه بأثر كمان أن مبقدرش اكمل دراسه معينه او اخلص المطلوب مني ف وقت قليل أو اني انسحب من العلاقات والتفاعل الاجتماعي بسبب التشتت اللي بأثر عليه نفسياً.
وتاكيداً تاني ان التشتت الذهني مش مجرد عرض بسيط نستهون بيه لكنه حاله مهمه ومهم إننا نساعد نفسنا نقلل التشتت.
جزء من المهارات اللي ممكن تساعدنا على حل مشكله التشتت..
◀️تجنب انك تنتقل من موضوع لموضوع بسرعه خد وقتك من الانتقال من موضوع لموضوع .
◀️او انك تنتقل من شعور لشعور تاني مختلف من الحزن للفرح او العكس من التفكير ف موضوع لفتكير ف موضوع مختلف عنه تماما
◀️نظم موضوعك وهدفك قسمه لعناصر حتي مشكلتلك نظمها علي هيئه عناصر وابدا فلتر اللي خارج الدائرة
◀️حاول تقعد ف مكان ف جزء من الطبيعه
◀️متفكرش فكذا موضوع مع بعض أو اعمل حاجات كتير ف نفس الوقت
◀️قبل النوم اكتب كل حاجه شاغله بالك.
◀️ممارسه تمارين الاسترخاء بشكل مستمر هيساعد عقلك على تليقظه الذهنيه وكمان الدعاء والتأمل.
مع المواظبه علي التدريب هتحس براحه اكتر عقليه وذهنيا هتحس انك افضل..
◀️التمشيه بشكل يومي بدون التفكير في اي موضوع
◀️التحدث مع صديق او شخص مقرب
◀️ اللجوء لمتخصص من الطرق الفعاله وبتساعدك ترتب أفكارك وتستعيد توازن حياتك.
اذا كان لديك مشكلة منذ فتره لا تتردد بطلب المساعده والدعم..
