بقلم / ساره جمال
قصه حدث بالفعل
اعرفكو ع نفسي انا ساره عندي 20 سنه
الموضوع بداء م وانا لسه في ثانوي كنت بشوف حاجات محدش بيشوفها غيري
اهمها كائنات صغيره وشها محروق طولها نص متر ولابسه عبايات سوده المشكله إن صورتها بتطبع في الحيط يعني لما بيجي حد وقت م بتظهر بتختفي وبتسيب صوره مطبوعه ع الحيط برضو مكانش حد بيشوفها غيري
ده غير العناكب الكبيره الشفافه إلي مكانش حد بيشوفها غيري برضو وافاعي شفافه كلهم كانو بيمشو حوليا، مكنتش بخاف منهم لأني اتعودت عليهم
الكبيره بقا إني كنت بشوف راجل شكله جميله هو وشه مش باين بس جوايا احساس أنه جميل ده بقا كنت بشوفه واقف ع الباب اول م ببص في اي مكان تاني بلاقيه برضو اترعبت جدًا م المنظر
وقتها كنت بشوف المصيص بتاع السقف بيتحرك والحيطان برضو
كنت قاعده بنقل نظري م هنا لهنا وكل م ابص في مكان يظهرلي حاجه تانيه في مكان تاني الوضع ده استمر ل 7 شهور ومكنتش بنام
جيت في يوم مشوفتش اي حاجه استغربت في الأول بس فرحت إني هعرف انام اخيرًا حلمت إن في حد قاعد ع كرسي ومديني ظهره في مكان ضلمه والضواء مسلط عليه بس المرسي لف واتفاجأ بالشخص إلي بشوفه في الواقع وقلي انا الشيطان
منكرش إني كنت مرعوبه في الأول بعد م صحيت منكرش إني بدأت اعجب بشكله وحجمه، بعدين حسيت إن ده مينفعش انا اكيد مش هحب شيطان يعني، الغريب إن ملامح وشه مش ظاهره معرفش الشعور ده جه منين
بعدها بكام يوم كنت في فرح في الشتا ومروحه بالليل والمكان إلي انا فيه مفيهوش بيوت لسه
حصل حاجه غريبه قبل البيت بكتير التوكتوك عطل والعجله اتفقعت م غيرسبب والأغرب إن صاحب التوكتوك بيقول انا لسه مصلحها قبل م حضرتك تركبي معايا ودور ع سبب الخرم ملقاش حاجه، قلي انزلي هنا بقا وانا هشدها لأول الاسفلت، كنت مرعوبه م شكل الزرع والضلمه وخصوصًا إن مفيش نور ولا بيوت اتونس بيها
مشيت وانا بقراء كل القرآن إلي انا حفظاه
لقيت في ست متكفنه ووشها بس إلي ظاهر م الكفن ومحروق واقفه بتبصلي ك انها مستنياني، انا جريت اول م شوفتها وكنت بعيط م المنظر لسه بمسح دموعي لقيتها قدامي صرخت عشان حد يسمعني حسيت إني في مربع قزاز الصوت بيتردد فيه واول م صرخت لقيت اقزام لابسين اسود وشهم محروق ظهرو م العدم و بيجرو ورايا كان عددهم كبير جريت لعند م وصلت بيتنا
ونمت لقيت نفس الست دى جتلي بنفس الهيئه إليشوفتها عليها في الحلم وكان في عدد م الرجاله واقفين كانو هما إلي قاتلينها وعايزين يحرقوها ويخفو الجثه وشافوني وانا مستخبيه وعرفو إني شوفتهم وجريو ورايا عشان يقتلوني كنت بحري وانا خايفه وفجأه صحيت وانا بنهج ورجلي وارمه ك إني كنت بجري فعلاً
كنت قاعده مع اهلي عادي جدا ولقيت شبشب الحمام بيتحرك لوحده يمكن كل إلي فات تهيّئات لكني متاكده مليون في الميه إن دي حقيقه اعلي نفسهم اترعبو
كل يوم الساعه 1 بالليل كنت بسمع وحده بتنده عليا م البلكونه كنت بطلع ابص اشوف مين
بلاقي اتنين ستات لابسين اسود ووشهم محروق كنت بدخل جوه بسرعه وفضولي بيرجعني تاني ابص كنت بلاقيهم قطتين سود وعينهم لونها اخضر وبتنور والغريب انهم بيبصولي
روحت نمت ع السرير كنا في الشتا ومتغطيه بالبطانيه ولما صحيت أمي بتقولي البطانيه بتاعتك كانت في الصاله بتعمل اي انتي بتشيليها ترميها في الصاله وترحعي تنامي تاني ولا اي؟
قولتلها لا انا نومي خفيف يعني مبمشيش وانا نايمه
اذًا البطانيه راحت الصاله ازاي ومين شالها؟!!
الغريب إني لما بتوقع حاجه او بفكر فيها بتحصل بقيت بشوف كل حاجه غريبه حوليا حاجات انا بس إلي اقدر اشوفها
مين الست المحروقه ؟
ومين الشيطان إلي معايا علطول؟
ومين الاقزام؟
الموضوع مخلصش لسه الحكايه طويله…
الشيطان إلي بدأت احبه ظهرلي تاني وقلي لو عيزاني اظهر في الحياة الواقعيه واعيش معاكي لازم تعملي حاجه هطلبها منك.
_فكرت في الموضوع شويه وقولت لي لا هو بيحبني وانا بحبه لي مخليهوش يظهر
_ لازم تقدميلي قربان
_ واي هو القربان؟
_ مستحيل انا مستحيل اعمل كده مش عايزة اشوفك تاني ولا اعرفك
مشيت قعدت ع البحر وانا بفكر في الدنيا هيا لي مبتمشيش زى م انا عايزة، قطع شرودي الشخص الي بيظهرلي كل شويه
_ انتي لي محبتيش حد م العالم بتاعك؟!
_ النااس هنا وحشه اوي بتكذب وتخون وتنافق وغيره…..
اما انت معتقدش ممكن تعمل كده انت غيرهم اكيد
كنت بتخيل دايمًا شخص بمواصفات انا إلي برسمها وللأسف مش موجوده في حد هنااا لعند م ظهرتلي بالمواصفات إلي كنت برسمها حبيت الفكره وإن لي ارفض المواصفات دى حتى لو مش بشريّ
وفجأه تحول وقال كلنا زي بعض واختفي، حتى انت كمان زيهم.
كان نفسي يبقالي حكايه بس انتهت قبل م تبداء
