كنت عارف
أميرفايزعلى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كنت عارف
إياك تفكر
أني ممكن أموت لفقدك
من يوم ماحبيتك
وأنا ياحبيبي فاقدك
بدأت بضحكة
سمعتها بيضحكها قلبك
والقلب ساب الكون وحبك
يومها كنت بعيد وعالي
وقلبي كان من الحب خالي
قلبي هفهف قلبي رفرف
والشموع قادت لطيفك فى الليالي
ورغم قربك من خيالي
ورغم أشواقي يا غالي
ورغم ايماني بحبك
كنت فاقدك
احتضنت البعد والصمت اللعين
واشتريتك رغم بعدك بالسنين
جاي تقول لي قالو عنك
للأسف
أنا كنت مستنيها منك
كنت عارف ان حبك كان سراب
وأن قصر الشوق هيصبح يوم خراب
كلمة بحبك
شوف بقالي كام سنه ومقلتهاش
خايف أقولها أخسرك فمقلتهاش
حتى التحية
أبعثها مئة مرة ومتردهاش
وكنت عايش أعشقك
والله عارف أني لازم أفقدك
طلبت صورتك
بعثت صورة حد تاني
ورغم غدرك قلبي حبك
وصورتك الحقيقية عندي
والله عندي خيالي حددها بمقاس
وجاي تقول لي قالوا عنك
قالوا إنك كيت وكيت
وفر كلامك وافتراءك
وفر مشاعرك
من يوم ما قلبي داب فى حبك
كنت عارف اني فاقدك
خلي الي قال لك اني قلت
يعيش فى جنبك
وإنساني وانسي حبي لك
وفى البداية وفى النهاية
كنت عارف اني فاقدك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الأديب الشاعر
أميرفايزعلى
