كتبت / وفاء سليمان محمد
درجات الحرارة عاليه جدًا، لازم ناخد بالنا من التعليمات دي كويس عشان
نقدر نحمي أولادنا من ضربات الشمس والجفاف.
1- الأفضل عدم الخروج في أوقات الذروة من 10 ل 3 .
2- لو لازم تنزليه يبقي ياريت يلبس كاب او حاجه تغطي وشه و لو نعرف يحط كريم واقي م الشمس ،
3- لازم كمان يشرب مياه او عصير كل شويه عشان نعوض العرق وفقدان السوائل و نمنع حدوث جفاف.
4- خليه دايما يلبس هدوم قطن و لونها فاتح و ياريت تكون بيضاء.
5- بلاش الاكل اللي فيه أملاح او المشروبات الغازيه خالص.
7- استحمام الطفل على الأقل مرتين يوميًا هيقلل من إحساسه بالحر بشكل كبير.
8- الرضع ممكن ياخدوا كل شويه معلقة مياه مقطرة أو معدنية اول ما يتم ٤ شهور
و بالذات ف أوقات الحرارة العالية.
٩- نشغل المرواح عادي جدا بس يفضل المروحة السقف إنما مروحة المكتب
بتعمل تيار مباشر فغالبا بتعمل برد للأطفال والكبار.
١٠- مفيش مانع لو نشغل تكييف بس يبقى على درجة ٢٥ مثلا ولو حنخرج من الاوضة
يبقى نقفل التكييف ونفتح الباب يغير الجو بالتدريج مش مره واحده.. ولو حندخل من الحر للتكييف
يبقى برضه مش مرة واحدة.
