✍️ أصعب أحساس
بقلم/ مروه العشري
مكتب/محافظة البحر الأحمر
أصعب إحساس ممكن تحس بيه في الدنيا هو أحساس الأنهزام الداخلي وأنك سامع صوت وجعك لوحدك ومحدش حاسس بيك ده غير انك مطالب تضحك وتبان عادي ادام اللي حواليك علشان محدش يعرف نقطه ضعفك لأن ببساطه في ناس حواليك مدعين محبتك لكن في الحقيقه هما مستنين فرصه وقوعك ادامهم علشان يضحكوا عليك والموضوع ده بكل بساطه كلنا عيشينه في حياتنا اليوميه وبنمر بيه في مختلف مراحل الحياه و شعور الأحساس بعدم الإرتياح والأنكسار وكثره التفكير
والضغط العصبي والنفسي اللي بتكون فيه محدش حاسس بيه غيرك انت هحاول تعيد حساباتك من الاول لأن محدش يستاهل كل الهم والحزن اللي أنت شايله في قلبك وقافل عليه لأنك مهما حكيت واتكلمت ده هيكون وجعك أنت لوحدك الي هتحس بيه ومفيش حد هيقولك معلش ولا حتي يشيل عنك لان ببساطه كده يعني زي ما بيقولوا (ماحك ظفرك مثل جسمك) وخلينا ناخد بالنا
- ونتفق مع بعض من نقطه مهمه جدا أن الأحساس بالألم الداخلي بيخلي عندنا شعور بعدم السعاده وعدم الرضا وعدم قبول الوضع اللي عايشينه لازم نتغير ونطلع من القوقعه اللي حبسين نفسنا فيها اللي بتسبب لنا كل الضغوط المعنوية اللي يتسبب لنا الخنقه والتعب النفسي اللي جواك حاول تتغير وتفكر بأنك لازم تكون احسن وافضل حال لأنك عمرك ما هتغير المكتوب
أولا :
اذكر ربنا كتير اوي وسبح وأدعي والتزام باذكار الصباح والمساء
(ألا بذكر الله تطمئن القلوب )
ثانيا :
امرك محسوم بيد ربك يعني مهما رحت ومهما جيت مش هتغيره ( لأن المكتوب مفيش منه هروب)
ثالثا :
رزقك مكتوب عند ربك ومهما لفيت وتعبت الرزق كله بيد الله سبحانه و تعالى خلي عندك ثقه وامل في الله لان سبحانه وتعالى هو العلي القادر علي تغير مجري حياتك ويعوضك كل خير يعني زي ما بيقولوا كده ( اجري يا ابن ادم جري الوحوش غير رزقك ونصيبك ما تحوش) إلا اللي ربنا كتبه ومقدره ليك
رابعا:
العمر محدود فلازم نخلي بالنا أننا منضيعش عمرنا في اي حاجه وخلاص احنا جايين الدنيا دي علشان نعبد ربنا ويرضي عننا وندخل الجنه أحنا عاملين في الدنيا دي زي واحد دخل من باب وطلع من الباب التاني وكل الحكايه مسأله وقت والمفروض ان الوقت ده يكون في طاعه الله كما ذكر في الأيه الكريمه
(وما خلقت الأنس الجن إلا ليعبدون )
مقلش مثلا ليلهون او لي يلعبون او ما شفت ذلك
واخيرا رزقنا الله واياكم حسن الخاتمة
