نور
بقلم وحيد صبري
أنا شايف عتمة بعدها نور
درويش …
صحيح مهموم وبهمومي بلِف وأدور
قلت إللي عانِد سُنن الكون…مغرور
ضحكت علينا ماهي خاينة ودُنيا غرور
حنيالي ظهري يا ست الحُزن
وماشي بيه ضعيف مكسور
يا شاغلاني بأسرارها
وعاشق ليلها ونهارها
تايه يا ناس في مشوارها
ونفسي أعدي أسوارها
وأشوف النور
قَال إيه…
واقفين عليها يا سيدي طابور
على إيه دي بهتة وكُلها زور
أما إللي قلبه ماليه النور
بيعدي منها سليم..مستور
ادعوه دا ربي رحيم وغفور
بيبدل ألف عتمة بنور.
