لو بأخذ بنسيلين اعمل اختبار مرة ولا كل مرة
كتبت وفاء سليمان محمد
لو بأخذ بنسيلين اعمل
#البنسلين
#الحقنه دى بيتعملها اختبار حساسيه
طب ما احنا عارفين
لا استنا بس
بيتعملها اختبار #حساسيه قبل كل مره بتاخدها مش مره واحده و خلاص
طب ليه يعنى؟؟! 
عشان يا سيدى الحقن دى ممكن جسمك يعمل حساسيه منها فاى وقت
حتى لو بتاخدها قبل كدا ممكن الحقنه اللى بعدها تلاقى نفسك هوووووب بتعانى من حساسيه شديده
تختلف من الشخص للتانى
#بس مننساش ان الحساسيه ممكن تكون عنيفه لحد الوفاه على حسب جسم كل شخص و رد فعله التحسسى
#نقطه تانيه كمان الحقن دى ممتدة المفعول
يعنى بتقعد دايره فالجسم مش اقل من ٢١ يوم
مهياش حقنه عاديه ١٢ ساعه او يوم و مفعولها يخلص
يعنى لو لا قدر الله حصلك حساسيه منها
هتعانى لفتره مش قليله.
نلتزم بعمل اختبار الحساسيه قبل كل مره تاخدها
