ياناس ياناس بطلوا تطبيل
الله الله يا بدوى مع كل عليل
حالتنا محسوبة علينا
وحالنا اصلا بإيدينا
ورضبنا بالهم رضينا
والهم جيل مولود ورا جيل
الله الله يا بلدى عايشة بمحاليل
ديدان وسارحه ف اوصالك
والسوس بينخر فى نظامك
مصمص فى لحمك وعظامك
وعايشه بس بجسم عليل
الله الله يا بلدى والحلم جميل
احلامنا ليه بتقلب بكابوس
والناس بقت على بعض تدوس
مابقاش فى قيمه لأى فلوس
عابز تعيش ركبلك ديل
الله الله يا بلدى بتصنع دلاديل
أدى العباره يا عب عاطى
الكل بقى ظهره مطاطى
وزمة الناس مطاطى
بيبيعوا بعض فى عتمة ليل
الله الله يابلدى واتهد الحيل
◇ طلعت عامر ◇
==========
النص الأساسى للشاعر #أحمد_فؤاد_نجم
شرم برم و الناس غافلة
و الغافلة ع الأفهام قافلة
والكدب لعلع في الحفلة
وأغلب السامر مساطيل
الله الله يا بدوي دق الشخاليل
حالتنا ما تسرش إنسان
وحالنا يصعب ع الغلبان
لكن يا خلق علينا لسان
لو جريناه ع الصلب يسيل
الله الله يا بلدي ياأم الشماليل
الله الله يا بلدي مشورانا طويل
أدي العبارة يا متولي
وادي الصراحة اللي تمللي
توجع وتتعب وتخلي
عرق الغضب زلومة فيل
#الله الله يا بدوي لم الشخاليل
