اللي ضميره خان
بقلم الشاعر فهمى محمود حجازي
اللي ضميره خان
خالف مبادئ دينه
وداس على الغلبان
رفع الغني للسما
وشاله في الوجدان
خلى الفقير اشتكى
م الجوع وم الحرمان
أصل الفقير بضمير
وضميره بين قضبان
وكان الكلبش دين
وخوف من الديان
واللي ضميره انتهى
فاكر انه عاش في آمان
بكره أمام المحكمة
الحق مسيره يبان
واللي ضميره حي
وخالف الشيطان
بكره يشوف الضي
من طلعت الرحمن
يقف أمامه حي
خالد فى وسط جنان
شارب بكوب م الكوثر
وكأنه ماشاف حرمان
أصل اللي ساقي الكوثر
هو النبي العدنان
