في قلبي حنين
بقلم: راوية أبو غدير
في قلبي حنين الطفولة ماتت من سنين
نفسي ترجع لو لحظات
اجري العب اضحك
نفسي في عالم من غير الام
نفسي انام من غير تفكير في بكره بعده السنين
نفسي حلمي بس في لبس جديد
في يوم اجازه اخرج العب فيه اتخانق مع العيال على مين يكون الاول في لعبه استغمايه
مين اللي يلحق الطابور في الصبحيه يقف الاول
نفسي ارمي المشاكل من وراء ضهرى
نفسي ارجع اتخانق مع العيال مين هيحل الامتحان
نفسي ارجع في رمضان ايام ما كنا أطفال
كلامنا كله على الاكل وعلى الفطار
ويقولوا لي حرام
نفسي ارجع زمان استنى ابويا راجع من الشغل
اجري عليه احضنه الفرحه مليئه القلب
نفسي في حاجه كمان ارجع للدي ايام
نفسي ما يكونش في الام دموع بلا اساس
روحي محتاجه لطفوله اصبحت في النسيان
