جمهور دسوق يُحمِل لاعبيه المسئولية كاملة
كتبَ – محمد حمدى
جمهور دسوق يحمل لاعبيه المسؤلية كاملة منحَ الفريقُ الأول لكرة القدم بنادى دسوق الرياضى ، الثلاث نقاط ، لفريقَينِ ، متتاليين ، فريقَينِ فى ترتيب أقل ؛ فقد خسر فريق دسوق فى الجولة السادسة ، على أرضه ووسط جمهوره مِن فريق بدر ، الذى دخل المباراة فى المركز التاسع ، وفى حوزته 4 نقاط ،بنتيجة 2-1، بينما كان فريق دسوق فى المركز الرابع ، برصيد 9 نقاط ، ولو كان الفوز مِن نصيب دسوق ؛ لصار فى المركز الثانى برصيد 12نقطة ، ثم خسر فريق دسوق مباراة الجولة السابعة أمام مضيفه فريق الزعفران ، متذيل جدول ترتيب المجموعة العاشرة ، برصيد نقطة واحدة ،بنتيجة 3-2، ولو كان الفوز مِن نصيب دسوق ، لصار فى المركز الثانى مكرر برصيد 12 نقطة …..
غضبَ جمهور دسوق غضبًا شديدًا مِن تردى مستوى الفريق ، الذى أضاعَ 10أهداف مُحققة فى المباراتَينِ ، وفى حاجة إلى التعاقد مع رأس حربة يليق باسم دسوق ، وقد عبرت بعض الجماهير عن مشاعرها على موقع التواصل الإجتماعى -الفيس بوك- ، فقد كتبَ الكابتن محمد الضانى ، مدرب حراس مرمى، على حسابه الخاص : “كل الإحترام، والتقدير للكابتن مصطفي الطناحي ، وأنا شخصيًا بدعمك ،وهدعمك، والجهاز كله ،وكان نفسي اللاعيبة دي تكون رجالة، وقد المسئولية ،ويشيلو الكابتن مصطفي، ويشيلو النادي ؛بس مع إحترامي لجميع إنتو لاعيبة بتاعت فلوس بس ، وأنا واحد مِن الناس شايف إن النادي ،ومجلس الإدارة مقصروش معاكم . وثانيًا ، ودا الأهم الجمهور، ثم الجمهور ،وإنتو مفدتوش الجمهور، مع إن أنا واحد مِن الناس شايف إن الجمهور، والبلد مقصروش معاكم، ياريت نجدد دم الفريق، وروح الفريق ،واسم البلد ،وخليك قد التي شيرت اللي بتلعب باسمه، ومعاك جمهور بيلف وراك، يعني الناس دي عايزة تشوفكم حاجة كبيرة ، وإنت بسببك كل الفلوس اللي بتدخل النادي بتروحلك، وفي إهتمام أنا شايف إن مجلس الإدارة لحد الأن موش مقصر معاكم إنتو بالذات، والجمهور بيتعامل معاك كويس أنا واحد مِن الناس دي، وهوصلكم رسالة: ” في ناس بيتحرق دمها ،وفي ناس بتسيب شغلها عشانكم ،وناس تانية عايزة تشمت فيكم، وموش عايزين البلد تصعد ،وأنا بصراحة شايف إن دي أسهل فرصة السنادي لصعود، والمكان اللي يليق لنادي دسوق عشان اسم دسوق مسمع فى الكورة دسوق مطلعة لاعيبة كبار، ياريت ،نسترجل، ومنضيعش الفرصة، والفرحة دي مِن إيدينا ،وياجماعة، لحد الأن إنتو شايفين دسوق مِن الناس اللي بتحب تفرح بس بجد الناس دي لو غضبت على حد هتزهقه ،وربنا معاكم ،وبالتوفيق لجميع !!” .
وأوضح الكابتن أحمد خوفو ، أحد مُشجعى الفريق ، وكتب على حسابه الخاص : “بصراحة موش عارف إنتو بتعملوا كدا ليه فينا ،وفي نفسكم ؟!
إنتوا بضيعوا تعب الكابتن مصطفي الطناحي ،والجهاز بيتعب معاكوا في التمرين ، إنت عارف يعني إيه الكورة في الستة ياردة ،وموش عارف تجبها جول ، في مباراتَينِ مضيعين أكتر مِن ١٠ أجوال، وخسرانين المباراتين !
اقعدوا مع بعض، وصفوا نفوس بعض ؛عشان الدنيا كده موش حلوة ! “
بينما علق الإعلامى ، والصحفى، إسلام عمار ، على ما كتبه الكابتن محمد الضانى ، وكتبَ : “بإذن الله خير، يا ضاني ،والفرقة هتبقى كويسة المباريات القادمة إن شاء الله، وعلى الحلو ،والمر إحنا ولاد دسوق ،ونساعد، وندعم فرقتنا ، ووالله أنا متفائل خير،و إن شاء الله، الفرقة ترجع أحسن مِن الأول !” .
تاريخ كتابة ذلك التقرير الصحفى مساء الأربعاء الموافق 23نوفمبر2022م
