يارب
يارب دارينا أوجاعنا
ما بين الصبر
و طموح العايشين
ما بين الفجر
و دُعا العشمانين فـ رضاك
سحابه ضوء بتشق
عتمه الليل فـي أرواحنا
و جراحنا كانت حاصل
جمع بقايا البوح
مقسوم عـلى إجمالي
وجعنا وأفراحنا
هي سحابه صيف
أساسها وجعنا
و بتنهي فـ ملامحنا
العمر بيجري
و إنسان
مفيش سوى روحه معاه
مفيش أي حد مكمل
كان مين معاه م الأول
ما كل واحد بيجي وقته
بتحس فـ ملامحه
ببراءته
و فجأة بيكون ضدك
مش وجع بُعد إنما
هو نوع من الوجع بيهدك
و بيقضي عـلى ملامح
الوش الباسم
و بيحول الضحكه لحزن
القصد
أصل البكا ع اللي فات
بيكون نقصان فـ العدل
و بيزرع فـ قلوبنا الرهبة
و يملي واقعنا بزيف
لبُعد الحزن أو قربه
خايف في يوم
منا المعاني تتوه
ونتعود على الكِتمان
ونصبح كما طيف بهتان
بيمر عليه الوقت
فـ يصير بقايا انسان
فـ يصير بقايا انسان.
بقلم / وحيد صبري
