وصية أب
………
شاعر العاميه جلال محمد
كفرالشيخ
يابني يانور عيني
لوزمانك عليك
ضاق
إرمي حمولك ع
الخلاق
هوبس القادر عليه
لاعمك ولاخالك
ولا الأستاذ ولا البيه
قول يــــارب
تلقي ربك عان
ورفع همك عن
كتافك ف ثوانِ
أنا عارف إن كل
شئ عن حده زاد
والحياه بقت حوالينا
نار
ومبقتش تنعاش
وغِلت الاسعار
بس عادي
كله بيعدي وبيمر
بضحكه حلوه
طالعه من القلب
عارف يابني…
جيرانك هما أهلك
وعزوتك وناسك
هما أول حدهيجري
عليك
لوشئ ف يوم جرالك
يابني خلي بالك
علي بنت الجيران
حافظ عليها زي
إخواتك
يانور عيني
ماتخليش الهموم
تنسيك ربك
دايماً أُسجد ليه
وقرب
وإرمي حمولك
عليه
تلاقيه عانك وسبب
ودي كانت وصيتي
ليك يابني
……………..
2023/6/27
