هخاصم نفسى
بقلم الشاعر/ محمد صيام.
مكتب/ محافظة البحر الأحمر
هخاصم نفسي
وأتصالح معاها في يوم
وأبطل كدب علي روحي
وأعيش موهوم
منيش قديس
ولا بإيدي صلاح الكون
ولا شيخ يفهم فى أمور الدين
ولا شرير ولا مجرم
ولا إتعرضت يوم لقانون
وأنا في حالي
وأحوالي
بتشبه حالة المجنون
في يوم ألاقيني متعصب
ومش طايق لحد كلام
ويوم ألاقيني متسامح
ودود وحنون
ويوم تعبان
ويوم فرعون
أنا عادي
وأكتر حتي م العادي
أنا إنسان
ونفسي أكون أنا نفسي
ومش بلايتشو
يضحك لأجل يسعدهم
وقلبه مات من الاحزان
أنا فتوه
وانا الغلبان
وانا العشمان
ومتشعلق بحبل الله
بناجي يارب أنا راضي
فمتسبنيش
شيطاني ياخدني مرجعشي
ومين غيرك يارب مليش
مابين ايدك هكون مرتاح
وأحس الكون دا كله براح
ولو كان اللي كان ميكون
#من_ديوان_حبة_كلام
