مِن قِصصى القصيرة….”كان صديق سوء ، وراح”
بقلمِ – محمد حمدى
شهريار : “ما هى حكايتك الليلة ،يا شهرزاد؟”
شهرزاد : “حكايتى عَن الصديقِ السوء ،يا مولاى “
شهريار : “احكى ، يا شهرزاد “
شهرزاد : “أمر مولاى . بلغنى أيها الملك السعيد ، ذو الرأى الرشيد ، إنه حدث زمان فى مملكةِ ساسان ، أن خاصم سمعان صديقه مُرجان؛ بسببِ أخلاقه اللى مُش تمام…….”
شمعدان : “هو إنت مخاصم مُرجان ، ولا إيه ، يا سمعان؟!”
سمعان : “خِصام للأبدِ ، يا شمعدان!”
شمعدان : “ليه بس يا سمعان ؛ دا إنتوا أصدقاء مِن خمستاشر عام؟! “
سمعان : “أخلاقه مُش تمام ، وبينقل الكلام ، ووقاع، ووسخ ، وبتاع نسوان …..”
شمعدان : “أنا قولتلك الكلام ده زمان “
سمعان : “يا ريتنى كُنت سمعت الكلام!”
شمعدان :”وإيه كمان ؟”
سمعان :”والمُشكلة الكبيرة ، إنه بيتحرشِ بالبناتِ على الفيس بوك كمان!”
شمعدان : “هو مُش مكفية النسوان ؟!”
سمعان : “دا أوسخ مِن وسخِ الودان ؛ دا أنا معرفتش وساخته غير مِن عامِ!”
شمعدان : “الحمدلله ؛ إنك عرفته على حقيقتِه، يا سمعان”
سمعان : “كان صديق سوء ، وراح”
شهرزاد : “وتعلم سمعان الدرس مِن الزمان ، وصار ينصح أحبابه فى مملكةِ ساسان بضرورةِ اِختيار الصديق الصالح ، والبُعد عَن الطالحِ ؛ لكى تكونَ الحياةُ تمام “
شهريار : “إحنا خدنا أيام الدراسة دروس عَن الصداقةِ ، وأهلنا كانوا بيحذرونا مِن الصديقِِ السوء كمان “
شهرزاد : “الفلاسفة قالوا زمان : “الصديق قبل الطريقِ””
شهريار : “جزاء سمعان إنه مُش بيسمعِ الكلام؛ كان اِستفاد مِن دروسِ المدرسة عَن الصداقةِ ، بدل دروس الزمان “
شهرزاد : “هو ده حال البعض يا مولاى”
الديك : “كوكووووووووووووووووك”
شهرزاد : “الديك صاح ، والفجر لاح ؛ إلى الغدِ إذًا يا مولاى” .
مِن قِصصى القصيرة….”كان صديق سوء ، وراح”
