
منيش بحبك
أميرفايزعلى
،،،،،،،،،،،،،،،،،،،،
منيش بحبك،
اعتبرني منيش بحبك
ولى أقول لك
أعتبرني أي واحد
شاف جمالك
نام وقام وقال بحبك
والمشاعر
اعتبرني مليش مشاعر
اعتبرني قلب جافي
بحب واغدر
ولى أقول لك
اعتبر أحاسيسي ماتت
والعيون مفيهاش دموع
قول لي فارق وإنسي اسمي
واوعدك اني افارق
وأنسى نبضي
واسجن الأحاسيس
فى قلبي
وأطفي شمعات السهر
وأخاصم الليل والقمر
وراح أبقى ماضي
بدون رجوع
يا حب والأحاسيس جلل
حيران حزين
الناس تحب تقول بحب
وانا ساجن الكلمة
وساكت من سنين
اعتبرني منيش بحبك
او ببالغ فى المشاعر
والمواجع والأنين
ولى أقول لك
كم هجرك كم صمتك
مش كفايا
زيد كمان
احجر على النفس الضعيف
وحطم الشوق والأماني
والمحبة والحنان
زيد كمان
ابعث رسالة صد
رد رد
عرفني ان مشاعري عندك
حب وآهي
كلام تلآهي
وإني عايش وهم حبك
من سنين
ابعث رسالة
كلمتين
إما فيها
أنا بحب
إما
فارق فارق
كرر الفاء مرتين
ورغم حبي
ونبض قلبي
والمشاعر والغرق
فى بحور عيونك
اعتبرني
منيش بحبك
ولا قلبي نازف من سنين
،،،،،،،
،،،،،،،،،،،،،،،،،،،،،،،،،،،،،،،،،،،
الأديب الشاعر
أميرفايزعلى





