مع الأيام

         مع الأيام
بقلم الكاتب/محمد عباس

وبنعافر مع الأيام
ورغم الوحدة والأوهام
لابعنا في يوم
خسيس وجبان
ولاقلنا هيدفع كام
وبنعدي جبال الصعب
ورغم الحيرة ويا البعد
لاجينا في يوم
خلفنا الوعد
ولا رضينا نفارق بعض
وصابرين ع الحياة واللوم
نعيش أغراب 
راكبنا هموم
بعدنا عن طريق الخير
وقلنا كان قدر مقسوم
تعود البسمة من تاني
تهز روحي وكياني
ترجعني لأحلى شعور
شعور بيصفي أحزاني
ورغم الوحدة والأشجان
لابعنا يوم خسيس وجبان
ولاقلنا هيدفع كام
ميراث الغدر كله ظنون
جحود قسوة
آخرها ديون
ويبقى الظلم أد الكون
في دنيا وآخرة
مش بيهون
وبنعافر مع الأيام
ورغم الوحدة والحرمان
لابعنا في يوم
خسيس وجبان
ولانسينا عتاب وآلام
صراع في غابة وديابة
وشوش قادرة وكدابة
شهود في دنيا قلابة
على المظلوم وغلابة

من ديوان “رياح الغدر”