انا اسمي ن .ا.
عندى ٤٥ سنة خريجة اداب انجليزى و بشتغل مدير اانتاج في مصنع حلي في محافظة قنا بس انا من سكان القاهرة .. يعني مغتربة عشان شغلي و دى مقدمة مهمة جدا تبين اني الحمد لله برغم التعب نجحت احقق حاجة في حياتي
عندى فايبروميالجيا درجة تالتة .. ايوة الفايبرو درجات .. ٤ درجات
بعاني من مرض الفايبروميالجيا من وانا طفلة بس الحقيقة مكنتش عارفة عندى اية .. كنت دايما بشتكي من اوجاع و صداع و كنت طفلة صغيرة .. لما بنروح للدكتور يقول ل ماما ينتك بتتدلع معندهاش حاجة
ارجع ناقلة الدروس من علي السبورة غلط .. يتقال اصلها كانت بتتكلم في الفصل … كنت اروح رحلة مع المدرسة ارجع انام يومين من التعب و استغرب جدا ازاى زمايلي راجعين يوم الاحد كويسيين وانا لسة تعبانة ..
في الجامعة ابتديت معرفش اطلع السلم و انزل كويس .. و اتقالي بداية خشونة .. واحدة وزنها ٦٠ كيلو و عتدها ١٧ سنة و يتقالها بداية خشونة
بعدين وانا ٢٦ سنة جالي اول هجمة في صوابع ايدى .. و لفيت علي الدكاترة .. و عملتةاشعات و رسم اعصاب و تخطيط اوتار و لا الهوا .. و لبست دعامة لمدة شهر
بعد كدة الم في الكتف .. سنة .. كتفي متيبس .. دراعي مش بيرجع ل ورا ..
بقيت اروح ل كل دكاترة العظام .. مفيش حاجة
يقيت اروح سباحة و اعمل مساج طبي جسمي يفك شوية و ارجع تاني
علطول … بعاني من تشوش المخ .. اقرا كلام غلط .. اكتب كلام غلط و لما ارجع للي كتبتة ب نفسي االاقية غلط
عشان كدة اى حد يقولي دوني عشان ماتنسيش اقولة بكتب غلط اصلا
لحد ما مرة جالي اشد هجمة في حياتي .. هجمة علي عضلة الحوض اليمين .. كانت بتوقعني علي الارض … في اى مكان .. ادخل الحمام و بعد ما اخلص العضلة تفضل تنقبض لحد ما توقعني علي الارض .. لفيت مصر .. و دفعت فلوس كتير جدا جدا و محدش عارف حاجة و خلاص اجتمعوا اني عندى مرض نفسي … يا جماعة انا بشتغل و شخصية ناجحة و مبسوطة ازاى .. لا دا مرض نفسي
روحت ل دكتورة ضاحبة مامتى و قعدت اعيط و اقولها محدش مصدقنى .. و بالصدفة كانت حاطة مرض جديد علي الحيطة و هي دكتورة باطنة .. قالتلي شوفي المرض دا و اقرى عن اعراضة لو تطابقت معاكي يبقي هوو فعلا وجدت ضالتى
و ابتديت اروح ل دكاترة مخ و اعصاب .. و ابتدينا نجرب ادوية … في اللي ينفع و في اللي مش هينفع … و في ادوية تقيلة حدا جدا و في ادوية كويسة لحد ما استقرينا عاي حاجات معينة
جربت امشي علي نظام علاج غذائي .. مجبش نتيجة
جربت علاج نفسي .. مجبش نتيجة
العلاج الدوائي خفف الالم اليومي .. بس لسة نوبات الصداع بتيجي لدرجة اني مرة طلبت من الدكتور يكتبلي علي مورفين
و لسة نوبات هجمات العضلات بتيجي .. اوقات محتملة و اوقات غير محتملة
انتى معرضة لاى هجمة علي اى عضلة في جسمك حتى عضلة القلب
الفايبرو مرض وهمي .. مش احساس وهمي .. لا .. الاحساس حقيقي و التعب حقيقي .. بس المرض وهمي يعني احنا بس اشارات خاطئة من المخ للاعصاب
الناس بتحصرة في التعب و الارهاق و الالم .. لكن دى متلازمة تانية اسمها متلازمة الالم و الارهاق المزمن
احنا التعب بتاعنا اسمة متلازمة الالم العضلي الليفي .. قبل و بعد اى مفصل. في عضلة .. و في عضلات كتير زى عضلة المرئ .. عضلة البطن .. عضلة القلب و غيرهم .. كل دا معرض ل هجمات الفايبرو ..
مش اوحش مرض بس برة بيعتبروة مرض معيق للحياة لان مرضي الدرجة الرابعة للاسف ممكن يقعدوا علي كرسي بعجل اوقات الهجمات .. مع انهم بيمشوا عادى و اى شغل مش هيستحمل هجماتنا …
اقرأ أيضاً:
حرب الاستنزاف (مارس 1969): الشرارة الأولى للنصر وتفوق العسكرية المصرية على أحدث الأسلحة الإسرائيلية
العدد الأول من مجلة أبطال صنعوا التاريخ
