ليه الحب مات
الشاعر / محمد منصور
ليه الحب مات
كل اللي فات ‘ بقى ذكريات
لعبت بنا كل الدنا
والحب راح ويَّا الساعات
يا ضي القلب قبل العين
حبيتك أنت من سنين
كنت لي كل الحياة
وليك بيسرقني الحنين
وكنت أقرب م الوتين
والقلب من بعدك حزين
ارسلتها لكل النجوم
وكتبتها بكل اللغات
كل اللي راح‘أصبح جراح
كنا نحلق في الفضا
وفجأة انكسر الجناح
وكل أيام حبِّنا
طارت مع أول ريِّاح
صارت جراحنا ف قلبنا
وما عادش فيه إلا الآهات
كل الهيام ‘ أصبح آلام
وغابت شمس حبِّنا
وخيّم الليل والظلام
ليه اتبدِّل الحلم الجميل
وبقى السكوت بدل الكلام
ارحم حياتنا وقلبنا
هجرت ليه والحـــب مات
بقلمي الشاعر محمد منصور
