لا تغفل عني فإني مكروب
بقلم د/ ولاء السيد
عارفين مين اللي قال الجملة دي؟؟!!
الإمام الشافعي..!!!
كان التعب اشتد عليه فطلب من احد اصحابه المقربين انه يقرأ قرآن!!! ولما خلص قراءة قاله… لا تغفل عني فإني مكروب.
المكروب مهما علا!!!! قدره !!!!بيحتاج للي يتفقده ويسأل عليه ويكون معاه!!! ويطبطب عليه
(التفقد)هو…العبادة!!! اللي كادت تختفي بين الناس ،!!!..كل واحد مشغول بحاله ومش بيسأل!!! على جاره!! ولا أخوه! ولاصديقه !! رغم ان ديننا علمنا إن : (مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى)
عاوزين نرجع نتفقد بعض ياجماعة !!. لما نشوف حد نعرفه غاب عنا نسأل عليه ونشوف أخباره..!!!!!!
مش بس التفقد في العزا والفرح !!!والمناسبات الساره!!! التفقد واجب اكتر في حالةالألم النفسي والمرض!!! والعوز!!!
والألم النفسي ممكن يصيب اي حد !!!!مش زي ما بيقولوا ضعيف الإ يمان !!!! فقد أصيب الشافعي بالاكتئاب وهو من هو!! !!!!!!!!
ومااكثر هذه الألام النفسيةفي الوقت الحالي لما نعانيه من ضغوط الحياة وضيق الحال!!!!!!! والله بشوف الايام دي ناس كتييير جدااااااا بتعاني من الأرق وعدم النوم وممكن يقعدوا كام يوم!!!! مش عارفين يناموا!! واللي جاي بضغطه عالي اوسكره عالي ,أوقلبه وجعه أو٠٠٠٠٠
فياريت اللي يعرف حد عنده هم !!!!يقف معاه ويربط على قلبه ويفضل معاه ويشوف احواله … مش نسيبه فريسة للألم للاكتئاب !!!!
هناك ناس مجرد الكلام معاهم أورؤيتهم الهم بيروح !!! والطاقه الايجابيه بتزيد!! كلمه دعم منهم!! بتطبب الخاطر المكسور!!!
وهذا كلام علمي وديني!!!!!
ونصيحة لأي واحد مكروووب،
ماتتكسفش من طلب المساعدة من أخوك أو صديقك أو قريبك أو أي إنسان …ده حقه عليك!!!!
ولا تخف على منظرك الاجتماعي!!!
هذا هو الشافعي نفسه طلب المساعدة لما احتاج…فأكيد ده مش دليل على تقصير او نقص في الايمان!! أو عدم لجوء الي الله فربنا هو اللي بيسخر االناس الطيبة لبعض
وطلبها!!!! بطريقتين …بالقرآن!! وتفقد الأحباب!!!!! .
وأنت أيضاً يا من أصابك شئ من ذلك اشتغل على كل طريق وماتسيبش نفسك للحزن!! والاكتئاب وأطلب العلاج !!من أهل الاختصاص ولاتخجل!!!!! وافتكروا حديث النبيﷺ ((ما من مُؤمِنٍ يُعَزِّي أخاه بمصيبةٍ, إلا كساه اللهُ سبحانه من حُلَلِ الكرامةِ يومَ القيامةِ ))
تفقدوا إخوانكم لوجه الله …
تفقدوا إخوانكم لتكونوا من أهل حلل الكرامة يوم القيامة
فإن الدعم في وقت الشده لا ينسى أبدا عند ولاد الاصول.
