صرخة صامت
صامت وجوايا
للصمت ألف
صرخه وصوت
بتقول ياناس مكبوت
والتانية صرخة طيبة
والتالته صرخة ندم
على حلم بلعه الحوت
والرابعة صرخة لعمر
كأنه شجرة توت
بعد أما طرح الحلو
حس بمرار في القوت
وألف صرخة وصرخة
ع المسلم اللي بيموت
والدنيا سامعه وساكته
والظلم حط شروط
وإن جيت تقول الآه
تلقى الكلام مغلوط
والصبر محتاج زقه
ليتخنق ويموت
وإسلامنا محتاج واقفه
قبل الزمان مايفوت
وديننا محتاج علما
مش شيخ عاملي كيوت
واديني بصرخ صرخة
بعد انحباس الصوت
يمكن تصحي البعدا
قبل مايجي الموت
وينكتب في الذكرى
ده كان عديم الصوت
بقلم / الشاعر فهمى محمود حجازى
