ست البنات
للشاعر/ حسام الچوكر
ست البنات بتوحشني وكل يوم بكلمها
طبيعي لما توحشني دي كل حياتي علشانها
ست البنات يا ناس غاليه
حبيبتي وبنتي وقريبتي
صورتها في قلبي وف عيني
معايه مهما يوم غبتي
ست البنات رقيقه وهاديه في طباعها
بتسكت لما بتكلم وتفرح لما بسمعها
ست البنات مفيش غيرها
دي ساكنه القلب والنني
ومهما بعدت جوايا
بتجري في روحي وف دمي
ست البنات مفيش غيرها
جميلة وطيبه خالص
ومهما أقول كلام عنها
كلامي عنها مش خالص
حقيقي بحبها خالص
