زوجى اسقطنى

انزعجت عندما سمعت هذة المقولة من احدي صديقاتى وهى ترددها بكل حزن وكسرة نفس والدموع تكاد تتساقط من العيون اسقطنى من كل شئ لا وجود قيمه ليا فى الحياة مع هذا الراجل الذى أحببته وتزوجته وانا عندى من العمر 16عاما عندما تزوجته لا اعلم ولاادرى كل ماكنت اشعربه هو حبى لهذا الرجل يكبرنى من العمر بحوالى 18عام هو كان ثرى يمتلك من المال الكثير تزوجته برغم رفض الكل بسبب الفرق الكبير فى العمر أبى كان يرفض هذا الزواج ولكن تحت إصرار منى تم الزواج وانجبت منه طفلين أكبرهم فى المرحلة الجامعية والتانى فى الثانوية العامة كل ماحصدته على مدار حياتى هو اولادى كنزى لايوجد شى اخر وبعد مااكلمت حياتى معاه والأولاد كبروا اليوم يردد مقولة أنه اسقطنى من حساباته بعد كفاح العمر الطويل ورضيت اعيش على الحلوة والمرة وبعد ماتسبب فى خراب مع اسرتى وكل اخواتى مفيش حد بيحبنى منهم والكل مش بيطيق يكلمنى بسببه هو لأنه رجل كداب كل حياته وكلامه كدب بيوصل لاخواتى كلام مش صح وهما بيصدقوه لأنه مخادع بيعرف يمثل كويس جدا لدرجه وصلنى للحالة النفسية انى مش بكلم حد ولا حد بيكلمنى ، اليوم ياتى بكل وقاحة لكى يسقطنى من حساباته وكانى لم اكون موجودة فى حياته ومش بس كده ممكن توصل الوقاحة والسلبية بيردد فى كلامه وحديثه مع اسرتى أنه لايعرف شيئا عنى هو فى حاله وانا فى حالى بالرغم اننا عايشين تحت سقف بيت واحد

سؤالى هل يجوز للرجل اسقاط زوجته من حساباته أو حياته حينما يشاء ؟