رسالة حب
لا أنا عارف
ولا عارف
السبب المزعوم
أزعل واتخاصم مع قلمي
طير بيحوم
تبعد وأنا اقرب وأتوسل
والنبض لنبضك بيكمل
تبعد وفى قربك أتأمل
وأحلم والحلم
يضيع مني
متأكد من غيرك هحزن
وهعيش العمر أحلم بيك
ولا عمري
هيكفيني أتندم
ولا دمع عينيا يكفيك
إن كنت زعلت
اقبل اسفي
وأنا آسف لجناب معاليك
وعزولي هقول له متشكر
على كم نذالة أهاليك
القلب بيأمر وانا راضي
وأنا مذنب
يا جناب القاضي
مش ممكن أقصر
يا حبيبي
والحب يضيع
وتكون ماضي
عارفك مجنون
حبة زيادة
والقهوة فى نور
صبحك سادة
وفى حضني
هتنسى الأيام
والواقع يلغي الأحلام
وعيونك راح
أسبح فيهم
ولا هسمح لك تبعد تاني
ولا هسمح للجفن ينام
دي رسالة حب باعتهالك
يا حبيبي ومستني سلام
من الآخر
والله بحبك
بقلم / الشاعرأميرفايزعلى
