حنان الأخ
للشاعرة يسرا محمد ربيع /الفيوم
حنان الأخ
اخويا
معنى كلمه أخ ليه
كل الزمان حتى الأمان
هتكون هدية منى ليه
كل الحنين والذكريات
ده مكان في قلبى
عنوان مافات
لكل نظرة شوق إليه
بإنوا أخ فوق مثالى
بإنوا نجم فى سمايا عالى
هقف وأقول ياأخويا
أنادى عليه ده إنتا ابن ابويا
يطبطب عليا
دانتى بنتى دانتى اختى دانتى عيلتى
دانتى كل الدنيا ليا
وإنى أشوفك تمثال عنيا
كلام أخويا ده ليا دنيا
وأسموا يهتف وأدعيلوا ايوه
منا بردوا أختوا
فى عز تعبى يطبطب عليا
زعلانة ليه
أو فيكى إيه
دمعة عنيكى نازلة ليه
كلام أخويا
كلام أخويا
نيزك مضيىء
عالم بديع
أو حتى يمكن إنسان مطيع
فى عز تعبى
بحتاجوا جمبى
يسهر ليالى وراحتوا راحتى
كإنوا نجمة على صوت ملاك
تائه في غابة فى دنيا ذاك
بس اوعا ذاك
لشيىء هذاك
بيحس بيا
وعنيه تدمع
لإن أختوا جايز تودع
أو حتى تمسك سحاب يطير
يسافر معاها أرض الحبايب
رحاب وواسع فى كل تايب
عمرى ماأقدر أوصف حنانك
ده إنتا أخويا
أبو قلب طيب
وزعلك عليا شيفاه بعيينى
شيلاه فى قلبى
مسحاه بدمعى
عشان أخويا
عشان أخويا غلاوتك إنتا غلاوت ابويا
حياتى بقالها طعم ولون
عشانك إنتا أتحدى الكون
وانتا عشانى تجبلى نجوم
بتحمسينى وبتقوينى وبتشجعنى وماتبكينى
وغلاوتى عندك تصونلى عهدك
تحميلى نفسك من كل عين
من كل شر حتى السنين
وغلاوتك إنتى دى جوه قلبي
شيلاك فى عينى كنز البحور
زى حور البحر فى المينا
صياد وواقف محتار بشطه
عمال يضلل عليه بخوفه
يحميه ويبعد عن العيون
زى فارس راكب حصانه
رايح بيجرى يلحق بيبانه
