المجاملات مش نفاق ..
بقلم /هنا السباعي
المجاملات مش نفاق ..
الثناء الطيب طيبة ورقي خلق واعتراف بكل شئ جميل ..
لما بنعترف بجماله بنروي اوراقه علشان تكبر وتزيد وتملي الكون جمال حوالينا
الدعم النفسي مش مكافأة مالية ولا ترقية وعلاوة ..الدعم النفسي كلمة طيبة
كلمة حلوة خارجة من حلاوة قلب صاحبها ..
فمذاقها هيوصل للقلب وهيزود نشاطه زي قرص الفيتامين هيقوي عزيمة القلب
ويقوي احلامه …
المجاملة مش بتكلفنا شئ ولا بنخسر بيها شئ ..
انما عدم وجودها بيخسرنا كل شئ..
بيخلينا نكسر الترابط والمحبة …وبيجعل كل شئ موزون بميزان قاسي ..
المجاملة لطف اسمه جبر الخواطر واسمه انسانية ..
مش بتتباع بفلوس ولا بنحوشها في بنوك ولا حتي نقدر نحتفظ بيها في التلاجات ..
لية مش بنعرف نجامل بعض بدون غرض من غير تملق او سبب للوصول لهدف..
بقلم /هنا السباعي
