* * القصة قصة نفوس * *
كلمات / حاتم الغيطاني.
مصر المحروسة.
مصر المحروسة.
مش قلت لك ياجدع:
القصة مش قصة فلوس
القصة قصـــة نفوس
نفوس جلها الخبل
ولحسها داء الهبل
لما الطمع صابها
خيب فيها الأمل
كتر منها الزعل
شقق منها الجبل
مش قلت لك يا جدع:
القصــة مش قصة فلوس
القصــة قصـــة نفوس
نفوس بترسم وبتفكر
وبالكلام بتلف وتحور
لويجي منك مصلحة
في الحر تعمل مروحة
ولو مفيش مصلحة
تقلب وتعمل مطوحة
هو إنت ليه مابتسألش
نسيتنا وفيك ماتمرش
لو طال صاحبها يبيعك
هيبيع ويقبض التمن
طلع الحسيس خنيس
قالع و مش لبيس
مش قلتلك يا جدع
القصــة مش قصة فلوس
القصــة قصـــة نفوس
أصل الطمع بها مال
مبدأها هو المال
إن كان معاك تعشقك
وف كل حال ترفعك
وإن مال معاك الحال
ترميك مع الزبال
تنداس ولا تنباس
عود القصب عصب
بعد المصاص حطب
نفوس جلها الجرب
والقهر منها اتشرب
والصح منها الهرب
مش قلتلك يا جدع:
القصــة مش قصة فلوس
القصــة قصـــة نفــوس
اهرب وماتزعلش
ربك كبير ما تخافش
هيعوضك عنهم
بعد العفش و الحوش
هتلاقي ناس حلوة
وللفراغ ملوة
وف كل ضيق سلوة
كلمات/ حاتم الغيطاني.
مصر المحروسة.
